Si Pepe at Ako

Jose kang isinilang
Pepe ng ika’y bata
Laong Laan sa pahayagan
Dimasalang sa mga mason



Sumulat ng sangkatutak na tula
Inialay sa mga kababata
Isinulat sa espanyol
Isinalin sa tagalog



Nanalo ka sa patimpalak
Nang ibinuhos mong iyong galak
Nasaktan sa mga guwardya
Tumayo’t nakipaglaban



Matayog ang iyong nilipad
Ngunit ang iyong saranggola’y
Bumagsak ng walang sigwa
Napunit, nalagas, hindi nakalaban



Sandata’y papel at panulat
Naisambulat ang pananaw
Inusig ka mang marahas
Namaalam ng may dangal



Maraming babae ang dumaan
Ngunit pinili yaong dilag
Josephine ang ngalan
Ina ng iyong anak



Kung nabubuhay ka man sa ngayon
Siguro’y hindi mo nanaisin
Ang iyong bansang ipinaglaban
Sa dusa’y sumasapit



Kabataa’y umaalis
Minsa’y hindi na bumalik
Nanahan sa tawid dagat
Nakalimutan yaring bayan



Kabataa’y hindi ka na kilala
Nakikita ka na lamang sa pera
Nakalulungkot mang isipin
Ngunit ika’y nilimot na



Ipinasa ang batas 1425
Upang ika’y maalala
Sa pag – aaral namin
Sana ika’y matuwa



Ang iyong mga dakok
Sana’y mapawi ng aming munting alay
Ang aralin ang iyong buhay
At ang walang sawang pag – alaala



Ang yaring taludtud na alay sa iyo
Nawa’y mabuhay ng yaring tulog na puso
Jose, Pepe, Laong Laan, Dimasalang
Taas noong isinasambulat, aking panghanga


******************************************************************************


Midterm Project ko sa Rizal's Life and Works (RIZLIFE).
On-the-spot yan kaninang tanghali since wala akong nagawa nung weekend.
Hindi ganoon kaganda tulad ng sa iba, pero ayos na kung sa mabilisang gawa.
Tulang para kay Jose raw e.
Pers dey ng klase yan ang sinabi, midterm project.
Ayan!!!
Basahin nyo na lang.
*Ahaha*
Siguradong matatawa ka sa mga pinaglalalagay ko.
Wala kasi akong ganang magsulat e.
*Ahaha*
Tsaka, wala akong hinuhugutan na isang bagay na cho-chorva sa mga sulat ko.